zur Startseite zur Hauptnavigation zum Hauptinhalt zum Kontaktformular zum Suchformular
Pastoralraum Muri AG und Umgebung

Rückblick Ministantenaufnahme

Höt wachset eusi Schar of ganzi 46 Minis aa ond zwösched de Jöngste ond em Ältischte leged ganzi 17 Johr! Zäme erläbed mer s’Johr dor so einiges ond i dem Johr esch es folgendes gsii:

Im Januar händ mer weder euse Brunch noch em Uussändegottesdienscht vo de Sternsenger dörfe organisiere. Das Johr send sogar so vell Lüüt cho, dass mer zuesätzlechi Tesch händ müesse ufstelle. Wer weiss, vellecht esch das jo s’nöchscht Johr weder de Fall? Merked Sie sech de 3. Januar scho mol vor, mer freuid eus of Sie.

I de Früehligsferie send mer zäme in Tierpark of Arth Goldau gange, wo mer denn sogar Glöck gha händ ond die herzige Bäre-Babys händ chönne bestuune.

A eusem Brötlihock im Juni händ die neue Minis au dörfe cho ond scho mol i eusi Schar chönne ineschnoppere. Zäme händ mer gässe, Speli gspelt ond ganz vell glachet.

I de drette Sommerferie-Woche send mer of Sarne is Lager. Bim Zält-Ufstelle händ mer zwar echli müesse im Räge uswiiche, die räschtlechi Woche heds denn s’Wätter aber guet met eus gmeint. D’Chend händ es Pingpong-Turnier organisiert, mer händ g’Wehrwölflet, vell im See badet ond ganz eifach en wonderschöni Ziit zäme verbrocht.

Im August send d’Minis us em ganze Pastoralruum zu eus of Bosmu cho. Noch emene feine Znacht händ mer denn alli metenand en Domino-Parcours dor d’Chele dore gleit.

Alles i allem händ mer i dem Johr ganz vell tolli Momänt metenand erläbt. Das god aber nor dank de Rita, em Gaby, de Leiter ond eusem Motto:

«Die grosse luegid of die Chliine, ond die Chliine folged de Grosse»

Bericht von Sarah Schönenberg

 

Bericht von Sarah Schönenberg